BixtuBerak eraikiko duen lehen instalazioaren aurkezpena

Autokontsumorako eguzkiko-instalazio fotovoltaiko kolektiboa, Kiroldegiko teilatuan eraikitzea aurreikusten da eta 93kW-ko puntako potentzia instalatua izanen du.

Instalazioa, Udalaren eta Kooperatibaren arteko inbertsioaren bidez aurrera eramanen da, eta bertan sortutako energia bi entitateen artean banatuko da.

Honen planteamendu orokorra eta lehen estimazioak ezagutzera emanen dira, abenduaren 14an eginen den bilera ireki batean. 

Ondotik, ezinbertzekoa izanen da bazkide interesatuen zerrenda osatzen hastea eta balio errealekin instalazioaren behin betiko diseinua bukatzea.